ફાલતુ વાત

Blood is Soul. रक्त आत्मा है. લોહી આત્મા છે. જ્યાં સુધી લોહી નો પ્રવાહ શરીર માં ચાલુ રહે ત્યાં સુધી પ્રાણી જીવિત હોય છે. જો તેનો પ્રવાહ કોઈ એક અંગ સુધી પહોંચવાનો  બંધ થઈ જાય તો તે અંગ નકામું પડી જાય છે. જો આમ હોય તો આત્મા એ લોહી છે અથવા આત્માનો લોહી સાથે સીધો સંબંધ છે.

ઘણા લાંબા સમય પછી મેં એ અવાજ સાંભળ્યો... હકીકતમાં એ મારા અંતરાત્માનો અવાજ હતો. હું નક્કી ના કરી શક્યો કે એ અવાજ હૃદય સુધી આવ્યો કેવી રીતે. મેં એ અવાજને ઝીણવટ થી સાંભળ્યો, તેની મને નવાઈ લાગી. મેં એને અનુસરવાનું નક્કી કર્યું. ત્યારે મને જ્ઞાન થયું કે હું અત્યાર સુધી ફક્ત દેખાડો કરવા ના પ્રયાસમાં જીવન જીવી રહ્યો હતો. મેં મને ક્યાંક દૂર ખૂણામાં બેસાડી દીધો હતો. જીવન જીવવાની કલા એ મારી શાળામાં એક વિષય હતો "જીવનકલા", એ સમયે મને એમાં સમજણ ઓછી જ પડતી હતી. પણ જ્યારે આ અવાજ સાંભળ્યો ત્યારે એ શીખેલા પાઠ બધા તાજાં થઈ ગયા. મેં ખૂણામાં બેઠેલા મને ઢંઢોળી ને જગાડ્યો આ સમય વહી રહ્યો છે, જે ક્યારેય પાછો ફરવાનો નથી. કેટલાય વર્ષો મેં અંધકારમાં ગાળી નાખ્યા. બધા જ સામાજિક અને ભૌતિક, આત્માને બંધનમાં રાખતા તમામ વિષયો ને એ ખૂણામાં બેસાડી હું પાછો ફર્યો. તમે ક્યારે પાછાં આવો છો?

આ દુનિયા એક અજબ શક્તિથી ચાલે છે. હું ઘણા એવા સિદ્ધ લોકોને મળ્યો જેઓ આ દુનિયાનો ભેદ ઉકેલીને બેઠાં છે. એમનું કહેવું છે કે આ બ્રહ્માંડના અણુ અણુ ને એક બીજા સાથે સંબંધ છે અને એક-બીજાથી જોડાયેલા છે. જે હું પહેલેથી જ માનતો હતો અને મને વિશ્વાસ છે કે તે સાચી વાત છે. મંત્ર - તંત્ર - યંત્રોની શક્તિ સત્ય છે. આત્મા અને પરમાત્મા સત્ય છે. મેલી વિદ્યાના જાણકાર આજે પણ આ પૃથ્વી પર છે. અને મૂઠ મારી નાગને આંધળો કરનારા વાદી પણ છે. માનો કે ના માનો. જાત અનુભવ એ માહાન શિક્ષક છે.